Aktualisht po zhvillohen homazhet në nderim të aktorit të mirënjohur Demir Hyskja. Homazhet po zhvillohen në teatrin ‘Skampa’, në Elbasan, që prej orës 11.
Kreu i Kuvendit, Ilir Meta ka shkuar në Elbasan për të bërë homazhe në nderim të Demir Hyskjas. Ai është shprehur se vdekja e aktorit ishte një humbje e madhe për kulturën tonë. “Hyskja përfaqëson një plejadë artistësh të mëdhenj. Jam i bindur që të gjithëve do ju mungojë mirësia e tij. Ndarja nga jeta e ti qe një humbje e madhe për vendin. Sot të gjithë ndihemi sikur kemi humbur një njeri të afërt.” – tha Meta.
