Një 25-vjeçar nga Mançesteri që aspironte të bëhej model, ka falimentuar pasi ka shpenzuar shumë për pamjen e tij të jashtme.
Ai është Ryan Stavaley dhe ka rrëfyer se shpenzonte 1 mijë sterlina në muaj vetëm për kozmetikën, botoksin dhe injeksionet për nxirjen e lëkurës.
“Daily Mail” shkruan se fiksimi i tij nisi pasi e la e dashura, me të cilën kishte 12 vjet bashkë. Tani 25-vjeçari pranon se fiksimi për bukurinë e ka zhytur në 22 mijë sterlina borxhe.
Çmenduria e tij arriti deri aty sa iu nënshtrua një ndërhyrje për të zvogëluar këmbën, që të dukej sa më bukur në këpucë.
