Statuja e Lirisë që qëndron në Nju Jork është padyshim monumenti dallues i SHBA-së. Kjo vepër gjigante është ndërtuar nga skulptori Frederic Auguste Bartholdi.
Shumë studiues janë të mendimit se modeli për fytyrën e statujës është marrë nga e ëma, Augusta, por tashmë një numër në rritje studiuesish kanë një tjetër mendim.
Pasi kanë studiuar me sukses fytyrat e familjarëve të Bartholdi-t ata janë të mendimit se modeli mund të ketë qenë ai i fytyrës së vëllait të skulptorit, Jean-Charles, për të cilin ai u kujdes gjatë viteve të vona të jetës së tij.
Jean-Charles vuante nga sëmundje mendore dhe Frederic Auguste Bartholdi, autori i veprës është përkujdesur për të pasi nuk kishte njeri tjetër për këtë punë dhe sipas studiueses, Elizabeth Mitchell,, mund të ketë qenë pikërisht fytyra e vëllait modeli për Statujën e Lirisë.