Qytetarët Elbasanas përballen çdo ditë me rrezikun e kafshimit nga qentë e rrugës. Problem mbetet edhe fakti se qentë janë të pa vaksinuar duke u kthyer në një kërcënim për përhapje infeksionesh. Nisur nga kjo situatë problematike qytetarët e qarkut të Elbasanit shprehen shumë të shqetësuar nga kjo situatë. Ata theksojnë faktin se kanë frikë që të kalojnë nëpër rrugicat e lagjes sepse qentë endacakë janë një kërcënim i vërtetë për ta.. Shumë prej qytetarëve ankohen se kanë rënë pre e kafshimit të qenve. Ata i bëjnë thirrja bashkisë së Elbasanit por jo vetëm që të marrin përsipër situatën bashkë më institucionet përgjegjëse për të vaksinuar qentë por edhe për ti larguar dhe rehabilituar qentë endacakë.
