Një 29-vjeçar shqiptar, i shpallur në kërkim që prej majit të vitit 2015, u arrestua nga policia italiane, pasi akuzohet për favorizim dhe shfrytëzim të miturish për prostitucion. Sipas mediave italiane, i riu shqiptar ka detyruar me forcë të prostituojë në zonën Capodrise dhe Marcianise, një vajzë rumune. Ai mësohet se të gjithë paratë që paguanin klientët i merrte për vete. Përgjatë dy vjetëve vetëm nga vajza rumune shqiptari kishte arritur të fitonte 100 mijë euro.
