Plot 250 rrënjë kanabis sativa janë asgjesuar nga policia e Kukësit në fshatin Pralishtë.
Sipas informacioneve të policisë, bimët u asgjesuan me anë të djegies, ku një pjesë e tyre u sekuestruan në cilësinë e provës materiale, ndërsa po punohet për identifikimin dhe kapjen e autorëve.
Deklarata e policisë
Efektivët e Komisariatit të Policisë Kukës në vijim të punës për kontrollin e territorit për parandalimin dhe goditjen e kultivimit të bimëve narkotike, më datë 15.06.2016, konstatuan dhe asgjësuan rreth 250 rrënjë bimë narkotike të dyshuara Cannabis Sattiva, në fshatin Pralishtë, të mbjella në mal.
Bimët u asgjesuan me anë të djegies, ku një pjesë e tyre u sekuestruan në cilësinë e provës materiale.
Policia po punon për identifikimin dhe kapjen e autorëve.
Materialet i kaluan Prokurorisë të Rrethit Gjyqësor Kukës,për veprën penale “Kultivimi i bimëve narkotike”, parashikuar nga neni 284 i Kodit Penal.
