Maliqi: Presidenti Meta ka mbrojtur Kushtetutën dhe ka shmangur përplasjet civile

0
127

Deputeti i opozitës Lefter Maliqi deklaroi se nëse miratohet reforma zgjedhore, kryeministri Edi Rama ikën automatikisht nga pushteti. Maliqi theksoi se miratimi i kësaj marrëveshje konsensuale ishte një fitore edhe për faktin se ndërkombëtarët ulën palët.

Po ashtu, deputeti opozitar teksa komentoi qëndrimet e presidentit Ilir Meta, vlerësoi vendimet e këtij të fundit, që sipas tij kanë qenë në mbrojtje të Kushtetutës. Deputeti i pavarur shprehet se qëndrimet Ilir Metës kanë shmangur përplasjet civile në vend.

“Zoti Meta ka një qetësi që e ka përcjellë. Ai ka pasur mbështetjen e Venecias, dhe tek faktori ndërkombëtar. Presidenti ka një meritë të jashtë, pasi do të kishte përplasje në zgjedhjet e 30 qershorit. Presidenti i Republikës është në mbrojtje të Kushtetutës. Kam besim të patundur që dhe Venecia i dha besim të patundur”,- tha Maliqi në një intervistë për News 24.

Mes të tjerash Maliqi tha se opozita e re është e përçarë dhe ka krijuar grupet e veta. “Për disa ditë me radhë u arrit që të uleshin palët në rezidencën amerikane, u bë e mundur marrëveshja. Ishte fitore e madhe për ndërkombëtar. Largimi i Dvoranit ka tregtuar se ka rol faktori ndërkombëtar. Si tek reforma në Drejtësi, dhe tek reforma zgjedhore, Ndërkombëtarët kanë shfaqur interes. Unë jam për sistem maxhoritar të pastër të drejtpërdrejtë. Dhe ambasadorja amerikane para një muaj hodhi dhe idenë e sistemit danez me lista të hapura. Thamë se diçka do të ndodhte. Megjithatë ditën e enjte, pavarësisht lëvizjeve të zotit Balla, i ushtar i fundit i Ramës. Unë pata një telefonate nga zoti Murrizi, ku u shpreha pro listave të hapura. Ditën e premte u arrit marrëveshja paraprake. Dhe ambasadorja e SHBA del në deklaratë dhe topin ia la zotit Basha. Në një prononcim ai thotë se kemi arritur në një dakordësi. Arritja më e madhe është identifikimi biometrik. Besoj dhe shpresoj se opozita parlamentare, ashtu siç ka votuar dhe për raste të tjera, kanë votuar të grupuar ligjet antikushtetuese. Opozita parlamentar ka pasur problemet e veta brenda Kuvendit, siç ishte dhe shkarkimi i zonjës Hajdari. Aty janë bërë disa grupe brenda opozitës së re, që është bërë përçarje që i shkon kryeministrit Edi Rama”,- deklaroi Maliqi.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here