Tifozët e cmendur të futbolit janë mbledhur në zonën e posacme për fansat ngritur pranë kullës Eifel në Paris, orë përpara startit zyrtar të Kampionatit Europian të Futbollit. Më shumë se 100 mijë tifozë pritet të mbushin cdo ditë këtë zonë, për të ndjekur live ndeshjet në ekranet gjigande të vendosura në zemër të kryeqytetit francez. Mbi 2.5 milionë spektatorë pritet të ndjekin live 51 përballjet mes 24 ekipeve më 10 stadiumet franceze.
Shefi i Policisë së Parisit tha se mijëra forca policie, plot 110 mijë, do të jenë në gjendje gadishmërie për të siguruar mbarëvajtjen e këtij eventi sportiv.
Që nga muaji nëntor i vitit të shkuar, pas sulmeve terroriste që shkaktuan 130 viktima, Franca është në gjendje emergjence ndërsa shba, franca dhe shtete të tjera kanë paralajmëruar se militantët mund të kenë target të tyre pikërisht qytetet franceze.
Militantët e shtetit islamik kanë kërcënuar për një seri sulmesh me bombë në turmat më të ëmdha në Francë që prej muajit maj. Ndaj për ekspertët e sigurisë por edhe për zyrtarët më të lartë të policisë franceze, siguria do të jetë një sfidë e madhe.
