Policia e Lezhës ka arrestuar një person, ndërsa për një person tjetër ka filluar procedimi penal në gjendje të lirë pasi kundërshtuan efektivët e policisë.
Gjon Martinaj dhe një shtetas tjetër me iniciale Gj. M po udhëtonte me një automjet, por pasi u ndaluan nga policia i është komunikuar masa administrative, por shtetasit e kanë kundërshtuar, duke tenduar ti marrin bllokun e gjobave policit.
Policia sqaron se edhe pasagjeri shtetasi Gj.P. ka dalë nga mjeti dhe nuk i është bindur punonjesit të policisë për tu futur në mjet.
Gjithashtu gjatë kontrollit të ushtruar në banesën e shtetasit Gjon Martinaj, banues në Patok Kurbin, i janë gjetur 417,6 gr lëndë bimore e dyshuar narkotike Cannabis Sattiva.
Shtetasi Gjon Martinaj, 23 vjeç, banues në Patok, është arrestuar në flagrancë për veprat penale” Kundërshtim i punonjësit të policisë së rendit publik” dhe “Prodhim dhe shitja e narkotikëve” parashikuar nga nenet 236/1 dhe 283/1 të Kodit Penal.
Gjithashtu ka filluar procedimi penal në gjendje të lirë ndaj shtetasit Gj.M. 56 vjeç, për veprën penale ” Mosbindja ndaj urdhërit të punonjësit të policisë së rendit publik ” parashikuar nga neni 242 i Kodit Penal.
Materialet procedurale u referuan Prokurorisë për veprime të mëtejshme.