Në amfiteatrin e qytetit antik të Palmirës në Siri është organizuar koncerti i parë muzikor, vetëm pak javë pas çlirimit të tij nga duart e militantëve të shtetit islamik.
Eventi muzikor nën titullin “Porta e diellit” u mbajt në nder të viktimave gjatë konfliktit të përgjskahsmë të Sirisë. Amal Abu-Samra, anëtare e korit të Al Farah, tha se mes lotësh ajo kishte kënduar për dhimbjen dhe shpresën.
“Është vërtet shumë e trishtueshme të shohësh shkatërrimin e Palmirës por ne kemi shumë shpresë që së shpejti e gjithë Siria do të lirohet nga rebelët. Unë jam nga kori i Al Farah dhe kemi ardhur klëtu për ti provuar mbarë botës se ne mund ta rindërtojmë nga e para vendin tonë, madje ta bëjmë më të mirë”.
Simfonia kombëtare siriane, Asambleja Kombëtare për muzikën arabe, Orkestra Mari dhe Kori Al farah, u bashkuan në amfiteatrin antik duke luajtur pjesë muzikore kombëtare.
Palmira ra në duart e ushtrisë siriane falë ndihmës së ushtrisë ruse në muajin mars dhe ushtarët e të dy vendeve morrën pjesë në këtë event kulturor, të parin në Siri për më shumë se 5 vjet.
Ministri sirian i turizmit Besher yazaji tha se ende shumë punë duhet bërë për ta ndihmuar Palmirën ti rikthehet lavdisë së dikurshme, për ta rikthyer në një destinacion turistik.
“Sic e dini, shkatërrimi i Palmirës ishte shumë i madh jo vetëm për momunemntet por edhe tempujt e saj janë rrënuar. Në total janë shkatërruar 23 sajte të rëndësishme turistike”.
Mediat lokale raportuan se qindra vetë, mes tyre edhe politikanë të rëndësishëm, morrën pjesë në këtë event.