Qeveria ka marrë sot një vendim që i hap rrugë koncesionit për sistemin e ndriçimit publik në Bashkinë e Tiranës dhe atë të Durrësit.
Sipas këtij vendimi, i lejohet Ministrisë së Energjisë dhe Industrisë dhe dy bashkive përkatëse që të shqyrtojnë projektin e koncesionit të propozuar nga shoqëria “HeSaLight” A/S, për sistemin e ndriçimit të Bashkisë Tiranë dhe të Bashkisë Durrës.
Në VKM nuk ka ende detaje se sa do të jetë shuma e konçensionit, ndërsa mësohet se ky propozim vjen në “në kuadër të programit të eficencës së energjisë”.
Mbetet për t’u parë nëse edhe ky konçension do të jetë si shumë të tjerë dhënë nga qeveria “Rama” që janë kontestuar gjerësisht në media nga opozita si korruptivë.
