Është rihapur stacioni i metrosë Maelbeek në Bruksel, një muaj pas sulmeve me bomba ku mbetën të vdekur 32 persona.
Organet policore dhe njësitë speciale ende po e mbajnë nën siguri të gjithë rrjetin nëntokësorë.
Në stacionin e metrosë një muaj më parë, kishte shpërthyer bomba e dytë, menjëherë pas sulmit të aeroportit të Brukselit, Zaventem. Në këto sulme me bomba të kryera nga militantët e te ashtuquajturit Shteti Islamik (ISIS) mbetën të vrarë gjithsej 32 persona dhe qindra të lënduar.
