Presidenti i Bundestagut Gjerman, Norbert Lammert do të vizitojë nesër Tiranën, ku do të mbajë edhe një fjalë përshëndetëse në sallën e Seancës Plenare në orën 09:20.
Zyra e shtypit të Kuvendit informon se pas fjalës në Kuvend, Lammert do të ketë një takim me Kryetarin e Kuvendit, Ilir Meta në Kryesinë e Kuvendit në orën 09:45.
“Gjatë qëndrimit të tij në Tiranë, Prof. Dr. Lammert do të marrë pjesë në Konferencën Ndërkombëtare të organizuar nga Fondacioni “Konrad Adenauer” me temën “25 vjet parlamentarizëm demokratik në Shqipëri”, që zhvillohet në orën 10:30”, thuhet në njoftimin e Kryesise se Kuvendit.
I pranishëm në këtë aktivitet do të jetë dhe Kryetari i Kuvendit, Ilir Meta ku do të mbajë edhe një fjalë përshëndetëse.
