Një dramë familjare ka ndodhur në Bellevue, të Pennsylvania, SHBA, ku një familje e tërë u shua nga zjarri që përfshiu banesën ku jetonin.
Nëna, babai dhe tre fëmijët, humbën jetën. Angela Lasch, 38 vjeçe bashkë me djalin e madh Noah, 11 vjeç dhe dy vajzat e vogla Kayley, 6 vjeç dhe Hannah, 4 vjeçe, të cilat gjetën vdekjen menjëherë. Ndërsa kryefamiljari Stephen, 41 vjeç, u dërgua në spital, ku ndërroi jetë pak më vonë.
Ngjarja e rëndë u shënua të shtunën, ku viktimat u gjetën të asfiksuar në katin e dytë të banesës.
Shkaku i rënies së zjarrit është ende i panjohur, ndërsa dyshohet se gjithçka ka ndodhur aksidentalisht.
