Basha në Berat: Qeveria ka grabitur 1.2 miliardë euro, nuk mendon për mirëqenien e qytetarëve

Kryetari i opozitës Lulzim Basha është takuar sot me banorët e Beratit dhe ka dëgjuar problemet e tyre.  Basha e ka parë thelbin e problemeve tek një qeveri që nuk mendon për mirëqenien e qytetarëve, por për pasurimin e vet. “Qeveria ka grabitur 1.2 miliardë euro, – tha ai, duke kujtuar aferat e shumta korruptive, – ndaj nuk përballet dot me qytetarët.   Në tre vite të kësaj qeverisjeje, jemi përballur me padrejtësi; kjo qeveri erdhi me deputetë që vinin drejtpërdrejt nga burgjet.  PS-ja i solli në parlament, kriminelët, se me ata fitoi zgjedhjet, por tani Rama, edhe nga brenda PS-së, po akuzohet se po qeveris me kriminelë,” theksoi ai.