Një 48-vjeçar në Pogradec ka rënë në prangat e policisë, pasi ka tentuar të hyjë në ambjentet e Rezidencës Qeveritare në lagjen nr 1 të qytetit duke mbajtur në dorë nje thikë. Specialistët e Seksionit për Krimet kanë bërë arrestimin në flagrancë të shtetasit, Fatos Afëzi, banues në fshatin Vërdovë-Pogradec. Ngjarja sipas policisë ka ndodhur dje. Fatos Afëzi, ka kundërshtuar me dhunë për shkak të detyrës, dy punonjës të Policisë të Rendit, në momentin kur këta të fundit i kanë kërkuar këtij shtetasi të dorëzojë thikën, duke iu shkaktuar atyre edhe dëmtime të lehta në duar me thikë.
Materialet i kaluan Prokurorisë të Rrethit Gjyqësor Pogradec, për veprat penale : “Kundërshtimi i punonjësit të policisë së rendit publik” dhe “Prodhimi dhe mbajtja pa leje e armëve të ftohta”.
