Një histori i pabesueshme është ajo e Jose Salvador Alvarenga, i cili mbijetoi në det për 15 muaj, nga dhjetori i vitit 2012 deri në janar të vitit 2014. Ai kishte ngelur në mëshirë të fatit në Qqeanin Paqësor. Alvarenga ishte nisur nga bregdeti meksikan për një udhëtim peshkimi bashkë me një të ri, i cili ishte ndihmësi i tij, Ezequiel Cordoba, i cili më pas vdes. Ata duhet të peshkonin për një ditë dhe më pas të ktheheshin, por shkak të një problemi me motorin dhe stuhisë së papritur që erdhi, ishte e pamundur të ktheheshin. Historia e tij është rrëfyer në një libër të gazetarit të “The Guardian”, pas 44 intervistave, por në film nuk do të jetë një element i trishtë, vdekja e Ezequiel. Sipas të mbijetuarit, peshkatari ndihmës do të vdiste nga dëshpërimi, duke refuzuar të hajë peshq dhe mish zogjsh të gjallë apo të pijë urinën dhe gjakun e breshkave Alvarenga do të mbajë për disa ditë trupin e kufomës aty pranë tij, “për të pasur shoqëri”, para se t’ia besojë oqeanit. Por sipas familjes së Kordobës, djali i tyre ishte viktimë e kanibalizmit. Për këtë arsye ata kanë kërkuar si kompensim 2 milionë dollarë. Akuzat erdhën pas botimit të librit për historinë e të mbijetuarit. Avokati i Alvarenga, Ricardo Cucalon, tha se familja dëshiron vetëm të fitojë para për këtë çështje.
