“Toka do të shkatërrohet në dhjetor nga asteroidi Nibiru”. Kjo është teoria e re që po qarkullon në rrjet nga persona që merren me teori konspirative dhe komplotiste. Të njëjtët kishin thënë edhe në vitin 2012 që Toka do të shkatërrohej në 21 dhjetor, sipas kalendarit Maja, por që shpëtoi për mrekulli.
E kjo është teoria më e fundit që vjen gati çdo vit dhe arsyeton se planeti X do të sjellë fundin e botës. Tabloidi anglez “Daily Star”, shkruan se komplotistët dhe teoricienët e konspiracionit thonë se fundi i botës po vjen dhe do të jetë pikërisht Nibiru, planeti X që do të shkatërrojë Tokën.
Këtë ata e shpjegojnë me arsyetimin se vendet janë duke mobilizuar ushtritë jo për ndonjë luftë, por për të vënë nën kontroll anarkinë dhe shkatërrimin në pjesë të ndryshme të botës.
