Jo pak autorë shqiptarë janë sprovuar në formën poetike japoneze të quajtur Haiku, një lloj poezie lirike, ku në pak vargje shprehet gjithë ajo që të zgjon frymëzimin; ndjenjat poetike shfaqen si një ajsberg, që në thelb mban raportin midis njeriut dhe natyrës, mes delikatesës dhe rezistencës, duke ndjekur një rregull metrik të caktuar të vargjeve. Haiku mund të konsiderohet një himn cerebral i natyrës me njeriun. Ç’mund të thotë një poet në tri vargje? Në përballjet e mëposhtme për herë të parë, ekskluzivisht sjellim dy poetë, Arjan Kallcon dhe Marina Mijakovskën nga Shkupi
Marina Mijakovska
Udhëtim i shkurtër vere
HAIKU
Shiu po i fshinte
ato njollat e bardha
Në bibliotekë
Në breg të detit
erë dallgë në rërë
Pafundësitë
Lule pranvere
livadhit me zymbylë
Brumbull mbi kaktus
Kangur i menduar
Në pranverë kërkon pyll
mbi këmbët prapa
Para detit qet’
hotel Dalmati* pozon
Pamje e shkrirë
* Dalmat (vend, hotel)
Tirkiz* në verë
Rërë e kuqe në det
ylli që po fle
* Tirkiz (gjë e çmuar)
Dielli jeshilon
Mali “Shari” në vjeshtë
Smogu gri mbytës
Llazaropole
Muzg i errët në fushë
Galiçniku* ndrit
* Galiçnik (vend)
Me top dëbore
Një shportë plot me haiku
moment harmonie
Shpella e Peshnës*
Burim i ëmbël mbi gurë
Aty përhumbem
* Peshna (vend)
Lëkurëzhveshur
Bota jonë po ndotet
Jetë e pasigurt’
Tirkizi n’ verë
Haiku im me një frymë
Libër argjendi
Përgatiti për botim
Foto Nikolla
Arjan Th. Kallço
Udhëtim i shkurtër vjeshte
HAIKU
Zemërim dallgësh
Mbi liqenin irnuar
Uji shkumbëzon
Era e vjeshtës
cicërima të fshira
në buzët e tua
Dritarja e mbyllur
Prej xhamave të veshur
po e shtyj hënën
Disa dashuri
ngjajnë me gjethe vjeshte
që kthim nuk kanë
Dielli perëndon
Prapa errësirës blu
mirazhe ngrice
Gjurmësi jete
nga koha të shkelura
Po lëmë shenjë
Pogradec 2015
Zogu pa krahë
dergjet vetëm në kafaz
Lamtumir’ lavdi
Valsi i ëmbël
tingëllonte tek bregu
Mbi të dyshimi
Liqeni i Prespës
çdo ditë e përshëndet
kohën e vjetër
Ishulli në liqen
prej ujit përqafuar
jeton ndër ëndrra
Zogjtë shtegtojnë
Dashuria ime për ty
ësht’ tempull kryeneç
Barka e braktisur
Vjeshta është stina
e lamtumirave.
Prespë 2015