Nuk ka vetëm një arsye për dorëheqjen e Presidentit Josepp Blatter. Ditën e djeshme, nga FBI-ja ka rrjedhur një informacion se Presidenti i FIFA-s është duke u hetuar, por zyrtarisht Zyra Federale e Hetimit nuk ka ofruar asnjë lloj komenti.
FBI-ja, as nuk e ka pranuar dhe as nuk e ka përgënjeshtruar këtë. Hetimi është i papërfunduar dhe arsyeja e dorëheqjes së papritur të z.Blatter nuk lidhet vetëm me këtë hetim. Për më tepër që për Presidentin nuk është shmangur përballja me drejtësinë. A është ende President? Teknikisht po. Nisur nga rregullat statutore dhe mbajtja e Kongresit, Presidenti Blatter do të mbetet zyrtarisht i tillë deri në fund të vitit. Hamendësohet edhe deri në fillim të marsit, por mund të ndodhë edhe pak më herët.
