Florenc Drizari
Grupi i Anti-Korrupsionit i Këshillit të Evropës (GRECO) vlerëson adaptimin e metodave për raportet financiare të partive
Pas ndryshimeve të bëra në fushën legjislative, në Kodin e Procedurës Penale dhe atë Civile, Shqipëria merr vlerësimet e para nga partnerët evropianë.
Grupi i Anti-Korrupsionit i Këshilli i Europës (GRECO) publikoi Raportin e Dytë të Përputhshmërisëlegjislative të Shqipërisë, ku pranon se vendi ka zbatuar, ose ka trajtuar në mënyrë të kënaqshme, të gjitha rekomandimet e tij.
GRECO përgëzon autoritetet shqiptare për reformat e bëra dhe masat e marra. Ai gjithashtu shpreh shpresën e fortë se këto do të provohen të efektshme në praktikë duke qenë se zbatimi i reformave është po aq i rëndësishme sa dhe adoptimi i tyre.
Përsa i përket transparencës së financimit të partive politike, GRECO pranon masat shtesë të marra me qëllim zbatimin e ndryshimeve ligjore tashmë të vlerësuara në Raportin e Përputhshmërisë, përkatësisht futja e modeleve të gatshme për raportet financiare që paraqiten nga partitë politike – brenda një afati të caktuar – pranë Komisionit Qendror të Zgjedhjeve dhe vendosjen e udhëzimeve për auditimin e këtyre raporteve nga auditorë të pavarur.
Sipas materialit të publikuar thuhet se autoritetet në Shqipëri raportojnë se projektligji “Për disa shtesa dhe plotësimet e ligjit nr. 7895, datë 27.1.1995 mbi Kodin Penal të RSH” (2012), i cili synonte sjellë legjislacionin kombëtar në përputhje me GRECO, janë miratuar nga Parlamenti pa ndonjë ndryshim dhe hyri në fuqi më 16 mars.
“Korrupsioni pasiv i një gjyqtar apo zyrtar i gjykatave ndërkombëtare Kërkimi ose marrja, drejtpërdrejt ose tërthorazi, i çdo lloj përfitimi të parregullt ose një premtimi të tillë, për veten apo persona të tjerë, ose pranimi i një oferte a premtimi që vjen nga përfitimi të parregullt nga një Gjyqtari ose zyrtar gjykate për të kryer ose mos kryer një veprim që lidhet me detyrat e tij ose funksion, është e dënueshme me burgim nga 3-10 vjet dhe me gjobë nga 800,000-4000000 lekë”,- thuhet në raport.
Gjithashtu raporti vlerëson pajtueshmërinë me rekomandimet e kërkuara të bëhen nga autoritetet shqiptare. “GRECO shprehet i kënaqur që amendamentet të artikujve 164 / a dhe 164 / b Ç, sipas të cilit dënimet maksimale për vepra ryshfetit në sektorin privat janë rritur dënimet për “(ryshfetin aktiv) dhe nga tre apo pesë vite ryshfeti (pasive), kanë hyrë në fuqi dhe konkludon se rekomandimi është implementuar në mënyrë të kënaqshme”.
Konkluzionet gjithashtu theksojnë se, përsa i përket inkriminimeve, GRECO është i kënaqur që procesi i reformës përmbajtësore është përfunduar nga Shqipëria. Amendime të rëndësishme të Kodit Penal, të cilat plotësojnë shqetësimet e të gjitha rekomandimeve të nxjerra në Raportin e Vlerësimit, tashmë janë zbatuar. Reforma ligjore përfshin çështje të tilla të rëndësishme si kriminalizimin e korrupsionit të zyrtarëve të huaj dhe ndërkombëtare, anëtarëve të jurive dhe arbitrave, rritje në nivelin e sanksioneve të mundshme për vepra korruptive në sektorin privat dhe tregtimit te influencës, si edhe juridiksionin mbi veprat penale të ryshfetit dhe tregtimit te influencës të kryera jashtë shtetit.
