Leonora Jakupi, një ndër këngëtaret më të njohura e pëlqyera në trojet shqiptare, do të rikthehet së shpejti me një projekt të ri për të gjithë publikun. Ajo ka bërë të ditur se këtë vit do të realizojë një videoklip të ri, deklaratë të cilën këngëtarja e ka bërë teksa parakalonte mbi tapetin e kuq në “Videofestin muzikor 2013”. Këngëtarja e lindur në Skënderaj ka filluar karrierën muzikore në moshën 15-vjeçare, kur ka kënduar për herë të parë në festivalin “Zëri i Drenicës”.
