12 orë para skadimit të afatit për regjistrimin e kandidatëve në KQZ, PD ka thuajse të plotë listën
Partia Demokratike ka përmbyllur thuajse të gjithë listën e kandidatëve të saj për deputetë që do të garojnë përballë së majtës në zgjedhjet e 23 qershorit. Kryeministri Berisha, në konsultim me krerët e qarqeve si edhe kryesinë e PD-së, ka mundur të përzgjedhë ekipin e ri të së djathtës, i cili edhe në këto zgjedhje vjen me risi. Një sërë prurjesh të reja, duke filluar nga fusha politike e deri tek shoqëria civile, përbëjnë rifreskimet e skuadrës së dajthtë, e cila synon mandatin e tretë qeverisës.
Lista
Duke marrë parasysh faktin se afati përfundimtar për dorëzimin e listave të deputetëve në KQZ është mesdita e së martës, në pjesën më të madhe të qarqeve, PD ka përcaktuar se cilët do të jenë pëerfaqësuesit e saj në Kuvend pas 23 qershorit. Në qarkun e Tiranës, i cili kryesohet nga kryeministri Berisha, janë të sigurtë emrat e ministrave aktualë të qeverisë, si: Majlinda Bregu, Aldo Bumçi, Florian Mima dhe Halim Kosova. Po ashtu në kryeqytet është i përfshirë edhe emri i Eduard Selamit, të rikthyerit në Partinë Demokratike. Pjesë e listës së Tiranës është edhe zv.ministrja Grida Duma si edhe nënkryetarja e bashkisë së Tiranës Jorida Tabaku. Pritet që në këtë qark, kreu i PD-së të përfshijë edhe emrat e dy ish-deputetëve të PS-së, aktualisht të pavarrur, Kastriot Islami dhe Asllan Dogjani. Në qarkun e Shkodrës nuk pritet të ketë surpriza, ku pas kryesueses së listës, Kryeparlamentares Jozefina Topalli, do jenë emrat e Fatbardh Spahisë, Benet Becit, Astrit Bushatit dhe aleatit të PD-së, kreut të PDK-së Nard Ndoka. Po ashtu edhe në qarkun e Elbasanit është thuajse e përfunduar lista e kandidatëve. Në krye do të jetë ministri i Mbrojtjes Arben Imami, i pasur nga kreu i degës së PD-së në këtë qytet Luçiano Boçi, si edhe deputetët aktualë Dashnor Sula, Ardian Turku dhe Sytbi Hida. Pjesë e kësaj liste do jenë edhe prurjet e reja: Klodiana Cankja dhe Shefqet Deliallisi. Qarku i Fierit me në krye ministrin e Transporteve Sokol Olldashi do të ketë në listë, sipër vijës së sigurisë ,emrat e Enkelejd Alibeaj, Mesila Dodes dhe Ferdinand Muratit. Ndërkohë Astrit Patozi do jetë kryesuesi i listës në qarkun e Vlorës. Pas tij në listë vjen kreu aktual i Aluiznit Ardian Kollozi si edhe deputeti Kosta Barka. Ndërsa qarkun e Durrësit, kreu i mazhorancës ia ka besuar ministrit të Drejtësisë Eduard Halimi, i ndjekur në listë nga kryetarja e Forumit të Gruas së PD-së Albana Vokshi, Oerd Bylykbashi, Armand Teliti dhe Gjergj Lezhja. Nga ana tjetër në qarkun e Korçës, i cili drejtohet nga ministri i Financave Ridvan Bode, do të jenë sipër vijës së sigurisë, emrat e deputetëve aktualë Fatbardh Kadilli ,Gjergji Papa, Edmond Spaho si edhe të prurjes së re, këshilltares së kryeministrit Suzana Guxholli. Në Berat krahas kryesuesit të litës, ministrit të teknologjisë dhe inovacionit Genc Pollo, është i sigurtë emri i Lefter Maliqit si edhe Astrit Veliaj. Gjithashtu edhe qarku i Kukësit mund të konsiderohet i mbyllur, ku pas kryesuesit të listës, ministrit të brendshëm Flamur Noka, janë përfshirë dy prurje të reja, Sait Dollapi dhe Avenir Peka. Ndërsa në Lezhë, Edi Paloka, kryesues i listës ndiqet nga Pal Dajçi dhe ish-deputeti i PS-së, aktualisht i pavarur Gjovalin Kadeli. Në dy qarqet e fundit, Dibër dhe Gjirokastër, ndryshimet janë të pakta. Kështu në Dibër në krye të listës është vendosur ministri aktual i Arsimit Myqerem Tafaj dhe pas tij vijnë emrat e Sherefedin Shehut, Selami Xhepës dhe Kreshnik Çollakut. Ndërsa në Gjirokastër janë emrat e ministrit të Bujqësisë Genc Ruli dhe ministrit të Punës Spiro Ksera.
Qarku Tiranë
Sali Berisha
Eduart Selami
Majlinda Bregu
Aldo Bumçi
Florian Mima
Halim Kosova
Grida Duma
Jorida Tabaku
Kastriot Islami
Asllan Dogjani
Tritan Shehu
Gerti Bogdani
Keltis Kruja
Ilir Rusmali
Aleat
Aleat
Shkodër
Jozefina Topalli
Fatbardh Spahia
Astrit Bushati
Benet Beci
Nard Ndoka
Flamur Kuçi
Kukës
Flamur Noka
Sait Dollapi
Avenir Peka
Elbasan
Arben Imami
Luçiano Boçi
Klodiana Cankja
Dashnor Sula
Ardian Turku
Shefqet Deliallisi
Sytbi Hida
Fier
Sokol Olldashi
Enkelejd Alibeaj
Mesila Dode
Ferdinand Murati
Eno Bozdo
Lezhë
Edi Paloka
Pal Dajçi
Gjovalin Kadeli
Albina Deda
Vlorë
Astrit Patozi
Ardian Kollozi
Kosta Barka
Kreshnik Çipi
Durrës
Eduard Halimi
Arqile Gorea
Albana Vokshi
Oerd Bylykbashi
Gjergj Lezhja
Zamir Ramadani
Berat
Genc Pollo
Lefter Maliqi
Astrit Veliaj
Arenc Berati
Korçë
Ridvan Bode
Edmond Spaho
Gjergji Papa
Fatbardh Kadilli
Suzana Guxholli
Entela Prifti
Qarku Dibër
Myqerem Tafaj
Sherefedin Shehu
Selami Xhepa
Kreshnik Çollaku
Qarku Gjirokastër
Genc Ruli
Spiro Ksera