“Një ëndërr”, për Albanin dhe Capital T

Alban Skënderaj ka publikuar bashkëpunimin e tij më të ri me reperin nga Prishtina, Capital T, të titulluar “Një ëndërr”. Kënga e sjell ndryshe Albanin në skenën e muzikës shqiptare. Albani duket se do të godasë fuqishëm me këngën e tij më të re “Një ëndërr”. Capital T së bashku me Albanin bëjnë një kombinim mbresëlënës së bashku, duke përcjellë kështu një perlë të vërtetë muzikore. Kënga flet për nismën që çdonjëri duhet të marrë në jetë, duke besuar tek e nesërmja. Videoklipi të mbërthen në botëkuptimin e vet, duke na risjellë emocionet që çdo person i provon në jetën e tij të përditshme.