Për herë të fundit, David Beckham u pa në publik në Barcelonë, kur u përpoq gjatë minutave të fundit që të siguronte kualifikimin për Parisin e tij në gjysmëfinalet e Ligës së Kampioneve. Nga fusha, Beckham u rikthye në vëmendjen e publikut duke shëtitur me të bijën Harper, në një ditë të ngrohtë me diell, në kryeqytetin britanik, Londër. Futbollisti, i cili ka një kontratë fleksibël me Parisin, që e lejon atë të udhëtojë edhe gjatë kohës kur duhet të ishte i angazhuar me klubin, dukej i kënaqur duke shpenzuar kohë me të bijën dhe luajtur rolin e babait të lumtur. Ish-futbollisti i Mançester Junajtidit, Real Madridit Milanit dhe Los Anxhelos Galaksisë, 37-vjeçari David Beckham, iu bashkua Parisit gjatë merkatos dimërore, duke vendosur që pagën e tij ta dhuronte të gjithën për qëllime bamirësie.
