Kryetari i Partisë Republikane, Fatmir Mediu, në një intervistë për Ora News, ka komentuar zhvillimet e ditëve të fundit në vend.
Sipas anëtarit të Opozitës së Bashkuar, Rama dhe mazhoranca vijon me shkatërrimin e ligjshmërisë, ekonomisë duke shkaktuar një depresion shoqëror.
Pse nuk shkon opozita me një propozim tjetër në tryezën e Këshillit Politik?
“Ne nuk po qajmë, por kemi detyrime përballë qytetarëve shqiptarë e partnerëve ndërkombëtarë për të bërë me dije çfarë po ndodh. Dhe duhet si qytetar të shohim veprimet e kryeministrit, të subjekteve politike, çfarë tentojnë: të mirën e qytetarëve, të mirën e Shqipërisë europiane apo pazaret dhe interesat e tyre personalë?
Të gjitha zhvillimet tregojnë qartësisht se qëllimet e Edi Ramës dhe mazhorancës që shkon nga mbrapa, nuk kanë të bëjnë me shqiptarët, nuk kanë të bëjnë me të ardhmen e Shqipërisë, por mbajtjen e pushtetit dhe rritjen e pasurisë dhe korruptimit të të gjithë strukturës sociale dhe ekonomike të vendit.
Pra, ky është qëllimi. Dhe është detyrë shumë fisnike e opozitës për ta bërë këtë. Opozita i ka dhënë opsionet. Opozita e ka bindjen se është kushtetuese, është ligjore, ndërtimi i koalicioneve dhe bashkimi qytetarëve, i subjekteve politike sido që të jenë. Nuk mund të më thotë mua një parti se si duhet të dalë unë në zgjedhje”, tha ndër të tjera Mediu.
