Standard.al

Shtimi i rasteve me COVID-19, Spanja karantinon zonën bujqësore në perëndim të Barcelonës

0

Qeveria në rajonin spanjoll të Katalonjës janë rivendosur kontrollet kundër koronavirusit, në një zonë të banuar prej 210,000 personash, për shkak të rritjes së numrit të infektimeve. Presidenti i këtij rajoni, Quim Torra tha se askush nuk do të lejohet të hyjë apo të dalë nga Segria – një zonëbujqësore në perëndim të Barcelonës, që përfshin edhe qytetin Lledia.

“Ne po ndërmarrim këto hapa për të mbrojtur veten dhe për të kontrolluar shpërthimin” e koronavirusit, tha Torra.

Masat e izolimit nisin pasditen e së shtunës. Po ashtu, qytetarët që nuk jetojnë në këtë zonë, do të lejohen që të largohen. Në Spanjë është raportuar për 400 infektime të reja dhe dy viktima nga sëmundja COVID-19, që shkaktohet nga koronavirusi. Vetëm në qytetin Lledia, janë regjistruar 155 raste të reja me koronavirus.

Për zbatimin e këtyre masave izoluese, policia do të përkujdeset. Në këtë zonë, po ashtu është ndaluar tubimi i më shumë se dhjetë personave. Në përgjithësi, Spanja ka shënuar 28,385 vdekje nga koronavirusi. Ky shtet ka rihapur kufijtë e tij me vendet e Bashkimit Evropian dhe Mbretërinë e Bashkuar, me qëllim që të ringjallë turizmin./REL

Leave A Reply

Your email address will not be published.

This site uses Akismet to reduce spam. Learn how your comment data is processed.