Lojtarët që s’kanë prekur fushën – Vetëm 3 futbollistë nga lista e trajnerit Reja, ende nuk kanë mundur që të debutojnë në sezonin e ri. Enea Mihaj dhe Kastriot Dermaku edhe pse nisën një aventurë të re gjatë kësaj vere, nuk kanë mundur që të bindin trajnerët e ekipeve respektive. Mihaj shkoi me shumë bujë te PAOK, kampionët e Greqisë, por s’ka mundur të fitojë hapësira. Në krahun tjetër qendër mbrojtësi gjigant nuk është në planet e klubit nga Tardini dhe vështirë se do të ketë hapësira në Seria A. Sokol Cikalleshi është sulmuesi i vetëm që nuk ka zbritur ende në fushë për të luajtur, ndërkohë që spikat Elseid Hysaj, i cili ka luajtur vetëm një minutë në dy ndeshjet e para në kampionat.
Më të aktivizuarit – Të shumtë janë lojtarët që e kanë gjetur veten si protagonist në reparte të ndryshme. Në portë nuk ka asnjë dyshim, pasi të tre janë jo vetëm titullarë në skuadrat respektive, por edhe protagonistë javë pas jave me pritje fantastike.
Në mbrojtje Veseli vijon të mbetet titullar te skuadra e Empolit, ndërkohë që Mavraj dhe Ismajli ajnë ndër më të aktivizuarit. Gjimshiti si gjithmonë është titullar në ekipin e drejtuar nga Giampaolo, ndërkohë që në krahun e majtë Lenjani, jo vetëm që ka luajtur në vazhdimësi, por edheka shënuar një super gol në fundjavë. Në mesfushë pjesa më e madhe e futbollistëve kanë fituar minuta, ndërkohë që Qose dhe Ramadani janë dy ndër më të spikaturit. Në sulm, Bekim Balaj është më i spikaturi me 3 gola në 5 javët e para, ndërkohë që Uzuni ka luajtur si gjithmonë titullar, duke gjetur një gol në këtë fillim sezoni.
Formacioni me lojtarët më të aktivizuar:
5-3-2 ( duke u bazuar te skema e ndeshjes së fundit)
MINUTAT E AKTIVIZIMIT NE SFIDAT ZYRTARE
Portierët
Etrit Berisha – Spal – 180 minuta
Alban Hoxha – Partizani – 100 minuta
Thomas Strakosha – Lazio – 180 minuta
Mbrojtësit
Berat Gjimshiti – Atalanta – 180 minuta
Elseid Hysaj – Napoli – 6 minuta
Ardjan Ismajli – Hajduk – 532 minuta
Egzon Binaku – Norrkoping – 286 minuta
Marash Kumbulla – Hellas Verona – 168 minuta
Frederic Veseli – Empoli – 180 minuta
Enea Mihaj – PAOK – 0 minuta
Kastriot Dermaku- Parma – 0 minuta
Mërgim Mavraj – Greuther-Furth – 450 minuta
Mesfushorë
Amir Abrashi – Freiburg – 1 minutë
Keidi Bare – Malaga – 270 minuta
Ledian Memushaj – Pescara – 180 minuta
Klaus Gjasula – Paderborn – 270 minuta
Kristi Qose – Ruzomberok – 570 minuta
Taulant Xhaka – Basel – 282 minuta
Ylber Ramadani – Velje – 451 minuta
Ermir Lenjani – Sion – 504 minuta
Sulmues
Myrto Uzuni – Lokomotiva Zagreb – 480 minuta
Bekim Balaj – Sturm Graz – 423 minuta
Sokol Cikalleshi – Akhisarspor – 0 minuta
Odise Roshi – Akhmat Grozny – 258 minuta
Rey Manaj – Albacete – 98 minuta
Koha Jone
