Gazetarja Anila Hoxha e ftuar në panelin e Eni Vasilit, në komentet e saj për intervistën e Xhisiela Malokut, zbuloi një të vërtetë të hidhur, bashkë edhe me zbulimin e një detaji, që intervista e Xhiselës, sonte, ishte një gënjeshtër.
Si parantezë Anila Hoxha sqaroi, se edhe ajo ishte prezentë në momentin që Eni Vasili i merrte intervistën, në një lokal në Durrës, Xhisielës.
“Xhisiela Maloku vjen nga një zonë, Nikla, ku edhe Policia u mburr para disa ditësh se kishte mundur të hynte e të prangoste disa persona. Xhisiela na tha në intervistë se erdhi me taksi në Durrës. Ne të dyja e pamë se kush e solli, kush e prit dhe kush e mori Xhisielën, pasi mbaroi intervistën. Biles e diskutuam edhe bashkë, me doza meraku, se kush ishin ata që e shoqëronin atë vajzë”, zbuloi Anila Hoxha një të vërtetë të hidhur për fatin e asaj vajze.
