Vetëm 3 ditë pasi qëlloi me armë, duke plagosur xhaxhain e gruas, një shqiptar në Itali ka vendosur që të vetëdorëzohet.
Lajmi bëhet i ditur nga mediat italiane.
Sipas tyre, shqiptari Endrit Memaj, 29 vjeç është vetëdorëzuar në policinë e Monza e Brianza, vetëm pas 67 orësh që ishte në arrati.
Ai është dorëzuar pasi nuk kishte mundur që të largohet nga Monza ku edhe qëlloi me armë.
Ngjarja e rëndë ndodhi tre ditë më parë.
Memaj ka plagosur në shtëpinë e tij një 36-vjeçar moldav, që ishte xhaxhai i gruas. Në momentin e ngjarjes të pranishëm kanë qenë edhe bashkëshortet e tyre, të cilat janë edhe dëshmitaret e ngjarjes.
Ata kanë thënë se në një moment mes dy burrave ka pasur sherri, për arsye parash.
Shqiptari Memaj në grindje e sipër e kishte qëlluar me plumba në kraharor dhe menjëherë pas ngjarjes kishte marrë armën dhe ishte larguar nga shtëpia.
Moldavi i mbetur i plagosur dhe ndodhet jashtë rrezikut për jetën.