Ulet në mënyrë drastike numri i lindjeve në bashkinë e Gramshit. Nuk keni për ta besuar por vitin e kaluar në këtë bashki u regjistruan vetëm 60 lindje, ndërsa për vitin 2018 kanë lindur vetëm 3 bebe.
Dhe të imagjinosh që bashkia Gramsh përbëhet nga 10 Njësi Administrative me rreth 36 mijë banorë. Sipas kryeinfermieres, Manushaqe Lozi janë disa arsye pse po ndodh një fenomen i tillë, por mes të tjerave edhe mungesa e mjekut gjinekolog, njofton infoelbasani. Prej 3 javësh ai ka marrë raport mjekësor dhe familjarisht jeton në Tiranë.
Në disa raste personeli është vënë në vështirësi, dhe gratë shtatzëna janë dërguar në maternitetin e Elbasanit ose Tiranës. Repartet e spitalit kanë mbetur bosh, por megjithatë personeli paraqitet çdo ditë dhe është në gatishmëri.
Ndoshur përballë këtyre statistikave, në Gramsh regjistrohen më shumë vdekje se sa lindje dhe kështu i bie që pas disa dekadash Ghramshi të zbrazet. Por megjithatë statistikat duket se nuk janë reale pasi mjaft gra preferojnë të lindin në spitale të tjera të specializuara.
