Në Mançester të Anglisë, banorët janë bërë dëshmitarë të nja ngjarje të pazakontë.
Rreth orës 11 të mbrëmjes, është dëgjuar një zhurmë e madhe, e cila u shoqërua me një tym të bardhë, transmeton Telegrafi.
Mirëpo, ky fenomen i pashpjegueshëm, nuk ka lënë asnjë shenjë në tokë, nëse është shkaktuar eksplodim, apo ndonjë shpërthim tjetër.
“Pas telefonatave që morëm, dolëm për të parë gjendjen në terren, por nuk gjetëm asgjë që lidhej me rastin. Zhurma dhe tymi ishin zhdukur, ndërsa në vendin ku pretendohej të jetë shfaqur nuk kishte asgjë”, thuhet në raportin e Policisë.
“Ishte sikur shpërthim bombe, që i dridhi xhamat e dritareve”, si dhe “ mund të ketë qenë meteorit” janë dy komentet që kanë marrë më së shumti pëlqime.
