Një tërmet me magnitudë 4.1 të shkallës Rihter ka goditur Italinë pas mesnatës duke shkaktuar panik te banorët e zonës, raportojnë mediat italiane.
Epiqendra e tërmetit ka qenë 19 km larg rajonit të Catanzaros, në një thellësi 2 km.
Deri tani nuk raportohen dëme apo të lënduar nga lëkundjet sizmike, ndërkohë që autoritetet në Albi, Pentone, Magisano e Zagari kanë vendosur mbylljen e shkollave.
Lëkundja e fortë e orëve të para të mëngjesit është pasuar nga disa tërmete të vegjël me magnitudë 2-3 Rihter.
