Detaje të reja dalin në dritë pas sulmit në Londër, ku Khalid Masood 52 vjeç vrau 4 të pafajshëm, ndërsa plagosi mbi 40 të tjerë. Por pyetja ngrihet nëse atentatori ka vepruar i vetëm apo është ndihmuar nga persona të tjerë?
‘MailOnline’ ka zbuluar se Khalid Masoon ka komunikuar në WhatsApp më dikë dy minuta para se të kryente sulmin. Ai ka qenë në WhatsApp aktiv për herë të fundit në 14:37, rreth dy minuta para se të nisej me makinën e tij në drejtim të kalimtarëve.
Masood u fut me shpejtësi me makinën e tij tip Hyundai 4X4 në trotuarin e këmbësorëve në urën Westminster dhe më pas vrau me thikë një polic pranë Parlamentit në Londër. Ai qëllua për vdekje nga policia, ndërsa nga hetimet paraprake rezulton se ishte konvertuar në fenë islame dhe sulmi konsiderohet si vepër e terroristëve.
