Deputeti Agron Shehaj reagoi për kërcënimin që dje ministri i Drejtësisë, Ulsi Manja i bëri në Kuvend, duke i thënë se “shteti do të duhet të merret seriozisht me ty”dhe se “do të ti pres veshët”.
Deputeti Shehaj u shpreh se reagimi i Manjës me kërcënime erdhi sepse u përball me të vërtetën, se nga amnistia penale përfituan të korruptuarit dhe të dënuarit nga GJKKO-ja, përkundër deklaratave të Ulsi Manjës.
“Po pse reagoi Ministri Manja në atë mënyrë me kërcënime, sharje dhe ofendime?
Sepse thjesht i thashë të vërtetën në fytyrë. Tha që amnistia nuk do të nxirrte nga burgu dhe nga amnistia nuk do të përfitonin të korruptuarit dhe të dënuarit nga GJKKO-ja, dhe në fakt ndodhi komplet e kundërta.
Ministri Manja gënjeu dhe duhet të japë dorëheqjen” – u shpreh Shehaj në një video-mesazh në rrjetet sociale.