Analisti Artan Hoxha tha se lideri i opozitës është arrestuar në mënyrë skandaloze dhe po mbahet në burg me vendimet e Gjykatave skandaloze.
Në tubimin qytetar në mbështetje të liderit të opozitës, Hoxha tha se Sali Berisha nuk dorëzohet dhe demokratët nuk do të dorëzohen.
“Regjimi I Edi Ramës është i fortë, por Sali Berisha është edhe më i fortë”, tha analisti.
Në ditën e 100 të tubimit qytetar, Hoxha tha se edhe rilindasit kur lenë takim në këtë rrugë thonë takohemi te rruga e Salës, te kjo rruga që sot quhet e “Shpresës” dhe ju jeni pelegrinët e saj, jeni pelegrinët e fitores në zgjedhjet e vitit të ardhshëm, dhe arkitekti I fitores do të jetë Sali Berisha.
Hoxha tha se asaj që I është bërë PD nga regjimi, Gjykatat dhe Rilindja, është thyerje e rendit natyror dhe jo vetëm e ligjeve.
Analisti u shpreh se lirimi I Sali Berishës është një betejë. “Lironi Sali Berishën se nuk mban më. Është arrestuar në kundërshtim me ligjin, kushtetutën e logjikën. Nuk është thjesht një demokrat I arrestuar, nuk është thjesht lideri I opozitës, por është një njeri që I kanë bërë një padrejtësi, ndaj dhe duhet të reagojë gjithë shoqëria”, tha Hoxha.
