Sekretari i Përgjithshëm i Partisë të Lirisë, Tedi Blushi ka postuar një video nga protesta e djeshme para Bashkisë së Tiranës ku I bën thirrje kryebashkiakut Veliaj se “ora” e prangave po afron dhe do të vihet para drejtësisë për të gjitha shkeljet dhe aferat korruptive.
“Po përvesh mëngët për t’i thënë Erion Velisë se koha jote ka marrë fund. Se do të ketë drejtësi për Ardit Gjoklajn, do të ketë drejtësi për nënë Lizën, do të ketë drejtësi për qindra milionë euro që ke vjedhur dhe po vjedh çdo ditë me inceneratorin e eTiranës. Në rast se SPAK-u nuk e merr të pandehur këtë kryehajdut, këtë kryemashtrues dhe këtë kryebandit, do të jetë populli që do ta arrestojë,” theksoi Tedi Blushi.
