Policia e Gjirokastrës ka arrestuar një 24-vjeçar, pasi akuzohet se u ka vënë zjarrin qëllimisht koshave me mbetje urbane.
Në pranga është vënë shtetasi me inicialet Dh. M., banues në Gjirokastër, mbi të cilin rëndon akuza për veprën penale “Shkatërrimi i pronës me zjarr”.
“Specialistët për Hetimin e Krimeve të Komisariatit të Policisë Gjirokastër arrestuan shtetasin Dh. M., 24 vjeç, banues në Gjirokastër, pasi dyshohet se mbrëmjen e djeshme, rreth orës 23:30, në lagjen “Granicë”, i ka vënë qëllimisht zjarrin, koshave me mbetje urbane.” – thuhet në njoftimin e Policisë.
Materialet procedurale i kaluan Prokurorisë së Gjirokastrës për veprime të mëtejshme.
