GJKKO ka shtyrë në datën 8 shkurt seancën për kryedemokratin Sali Berisha. Avokatët mbrojtës ankimuan vendimin e SPAK i cili nuk lejoi që Berisha të merrte pjesë në seancat plenare të Kuvendit.
Avokati Genc Gjokutaj tha për mediat se qëllimi kryesor është djegia e mandatit të deputeti. Ai shtoi se sot është dorëzuar për herë të katërt edhe kërkesa për përjashtimin e gjyqtares Irena Gjoka.
“U shty për në datë 8, sot gjykata mori dhe kërkesën e katër për përjashtimin e Gjokës, ajo nuk dëgjon, sot ishte një qëndrim jo më dy standarde, por i shtatëfishtë. Sot është dekriptuar që qëllimi politik po realizohet në mënyrë rigoroze nga kjo gjykatë. Gjykata nuk e konsideron Berishën si të njoftuar dhe vendosi shtyrje të seancës. Qëllimi është djegia e mandatit të deputetit. Sot dorëzuam kërkesën për herë të katërt për përjashtimin e Irena Gjokës”, deklaroi Gjokutaj
