Deputeti i Partisë Demokratike, Ervin Salianji, ka uruar Talat Xhaferin për postin e tij si kryeministri i parë shqiptar në Maqedoninë e Veriut.
Në një reagim në rrjetet sociale, Salianji thekson se mandatimi i Xhaferit është një ngjarje historike, e cila sipas tij dëshmon zotësinë e tyre shteformuese e të ushtrimit të përgjegjësive.
“Inkurajues mesazhi i sotëm në Parlament i kryeministrit Xhaferri për orientimin euroatlantik dhe përgaditjen e zgjedhjeve të lira e të ndershme”, shkruan ai.
Ndër të tjera, Salianji nuk ka kursyer as akuzat ndaj kryeministrit Edi Rama, për të cilin shprehet se “është i vetmei kryeministër shqiptar në rajon që nuk punon për zgjedhje të lira e të ndershme”, ndërsa shton se “konkuron ngushtë me Vuçiç në Beograd”.
Postimi i Salianjit:
Ngjarje historike mandatimi i Talat Xhaferrit si Kryeministër i Maqedonisë së Veriut, çka deshmon për avancimin e të drejtave të bashkekombasve tanë dhe zotêsinë e tyre shtetformuese e të ushtrimit të pergjegjësive. Inkurajues mesazhi i sotëm në Parlament i kryeministrit Xhaferri për orientimin euroatlantik dhe përgaditjen e zgjedhjeve të lira e të ndershme.
I vetmi kryeministër shqiptar në rajon që nuk punon për zgjedhje të lira e të ndershme për fat të keq, ngelet Edi Rama.
Po ai nuk është vetëm në këtë drejtim. Konkuron ngushtë me Vuçiç në Beograd.
