Ish-ministri i Shëndetësisë, Ilir Beqaj, u paraqit sërish në SPAK sot dhe sërish mori një gjobë për parkimin e gabuar.
Por edhe këtë herë, makina e tij është ajo që është regjistruar në emër të Ermal Kurtulajt.
Ky i fundit njihet si sekser i Ilir Beqajt në çështjen e abuzimit me fondet e BE-së.
Kur u gjobit herën e kaluar, pasi ishte me të njëjtën makinë, në media u raportua se SPAK po heton për lidhjet mes Beqajt dhe Kurtulajt.
Prokurorët shqiptarë dyshojnë se një restorant i njohur në Tiranë, Gzona, fsheh një skemë korruptive me fatura fiktive për të keqpërdorur fondet e programeve të ndihmës së Bashkimit Evropian.
Në qendër të kësaj skeme dyshohet se qëndron Ilir Beqaj, ish-ministri i Shëndetësisë që drejtonte deri në dhjetor Agjencinë Shtetërore të Programimit Strategjik dhe Koordinimit të Ndihmës, SASPAC, dhe Ermal Kurtulaj, koordinator i programit ‘EUSAIR Facility Point’ të financuar nga Bashkimi Evropian.
Pas daljes nga SPAK ai foli edhe për mediat ku tha se gjithmonë do të jetë i gatshëm për të dëshmuar ndërsa shpjegoi se për çfarë çështjesh ishte pyetur këtë të premte.
Edhe sot paraqita në SPAK në cilësinë e personit nën hetim për çështjen e sterilizimit. U mora në pyetje, unë kam qenë dhe do të vazhdoj të jem në dispozicion.
Ndërkohë siç mund ta shikoni edhe sot kam ardhur me ndihmën e avokatit, me automjetin e famshëm”, tha Beqaj.
Sot erdha me ndihmën e avokatit, me makinën luksoze Touareg. Lidhjen time me Ermalin e kam thënë. Unë nuk di t’i jap makinës, s’kam leje drejtimi”, shtoi Beqaj.