Të shtëna me armë zjarri janë regjistruar mëngjesin e kësaj të enjte në Tiranë.
Autoritetet policore raportojnë se një person ende i paidentifikuar ka qëlluar me armë zjarri në drejtim të automjetit të shtetasit R. Z., 42 vjeç. Ngjarja ka ndodhur rreth orës 06:45. Ka qenë vetë 42-vjeçari i cili ka kallëzuar në Komisariatin e Policisë Nr. 3 në kryeqytet.
Fatmirësisht nga të shtënat me armë zjarri nuk ka persona të dëmtuar. Grupi hetimor po punon për sqarimin e rrethanave të ngjarjes, identifikimin dhe kapjen e autorit.