Mamografitë në qendrat shëndetësore po punojnë pa pushim. “Tetori rozë”, muaji kundër kancerit të gjirit ka shtuar radhët dhe interesin e grave për kontrolle. Disa vijnë për herë të parë pas historive të ndryshme që kanë dëgjuar, ndërsa të tjera gra thonë se kontrollet i kanë periodike.
Mjekët flasin për fluks të shtuar në këto ditë tetori. Nëse në muaj të tjerë kryhen 60-100 mamografi, tani në tetor, kjo shifër bëhet brenda një ditë.
jekët bëjnë thirrje për kontrolle periodike të gjirit dhe jo vetëm në tetor. Dy dekadat e fundit është rritur me 20% numri i rasteve më kancer të gjirit. Krahas ndryshimit të stilit të jetës, faktorit gjenetik dhe rritjes së moshës mesatare, fushatat për depistimin të kancerit të gjirit kanë rritur zbulueshmërinë e kësaj sëmundje.
Sipas regjistrit kombëtar të kancerit, vitin e fundit u regjistruan 720 raste të reja më kancer të gjirit, ndërsa 192 gra të prekura prej tij kanë humbur jetën nga kjo sëmundje