Deputeti i PD-së, Agron Shehaj deklaroi se nisma e qeverisë për t’i rritur rrogën anëtarëve të Gjykatës Kushtetuese deri në 100 mijë dollarë në vit vjen si shpërblim për vendimet që kjo gjykatë ka dhënë në favor të qeverisë.
Shehaj ka sjellë në vëmendje vendimet e Gjykatës Kushtetueses për Portin e Durrësit, mandatin e ish-ministres Olta Xhaçka, Teatrin Kombëtar dhe kontratën për menaxhimin e Butrintit, për të cilat kjo gjykatë i ka rrëzuar të gjitha kërkesat e deputetëve opozitarë.
