Autoritetet greke kanë zbuluar një plantacion të ri hashashi në Kretë, ku për pasojë është arrestuar një shqiptar, i cili ndodhej në vendngjarje.
Mediat greke shkruajnë se autoritetet vendase kishin informacion për kultivim të lëndëve narkotike dhe ishin duke vëzhguar zonën. Gjatë kontrollit fizik, policia gjen dhe sekuestron 300 bimë hashashi dhe 3 armë zjarri.
Aktualisht shqiptari ndodhet në paraburgim në Kretë në pritje të masës së sigurisë nga drejtësia greke.
