Një aksident u shënua pasditen e sotme në aksin nacional Korçë – Bilisht, në afërsi të fshatit Cangonj.
Nga raportimet e para mësohet se një mjet Benz ngjyrë të bardhë është përplasur kokë më kokë me një mjet volkwasgen Caddy të kuq, çka ka sjellë përmbysjen e këtij të fundit në anë të rrugës.
Për pasojë, kanë mbetur të plagosur tre person të cilët janë transportuar drejt spitalit të Korçës. Ende nuk dihet gjendja e tyre shëndetësore.
Ndërkohë që ka edhe dëme të shumta materiale pasi duket se përplasja ka qenë shumë e fortë. Policia në vendngjarje po punon për zbardhjen e shkaqeve të aksidentit.