Vasili denoncon: Diplomat me kusht te mjeksise, dhunim primitiv Kushtetutes dhe intelektual!

Kushtetuta shprehet shume qarte:

NENI 57

1.Kushdo ka të drejtën për arsimim.

4. Arsimi i mesëm profesional dhe i lartë mund të kushtëzohet vetëm nga kritere aftësie.

Pra cdo qytetar ne Republiken e Shqiperise mund te studjoje mjeksi bazuar vetem ne kritere aftesie si dhe te paguaje ato detyrime financiare, qe fakulteti ka vendosur.

Ndersa sot Edi Rama dhe ca sejmene te tij kane hedhur ne treg çmendurine e radhes.

Sipas Rame shkollepakut dhe ramkave te vegjel, qe i mbajne ison, mjeket duhet te punojne me detyrim tre vjet ose te paguajne mijra euro se medemek ka shpenzuar shteti per ta.

Se pari: Eshte nje çmenduri te vendosesh kushtezime per te marre diplomen sepse i vetmi detyrim, qe ka nje student per tu diplomuar eshte qe te permbushe te gjithe detyrimet mesimore e te jape provimet dhe ketu mbyllet cikli i diplomimit.

Se dyti: Eshte cmenduri sepse Fakulteti i Mjeksisesi i gjithe sistemi universitar eshte nje sherbim publik ku kontribuon e gjithe shoqeria permes taksave si nje detyrim shteteror dhe kushtetues.

Se treti: Kushtetuta eshte shterruese kur percakton se arsimi i larte kushtezohet vetem nga kritete aftesie

Se katerti: Familjet shqiptare, qe paguajne taksa , qe paguajne me djerse e sakrifica te panumerta per mbajtjen e femijve ne universitet u dashka sipas Rame shkollepakut te paguajne edhe mijra euro te tjera ne se femijet e tyre duan te diplomohen.

Se pesti: Po si mund te kete cmenduri me te madhe se fakti qe keto detyrime per marrje diplome do ti behen vetem atyre, qe studjojne mjeksi ndersa per dege te tjera te arsimit te larte kjo nuk ndodh.

Kjo çmenduri e Rames eshte vetem nje mballomë mjerane per gjendjen se ku e ka çuar vendin dhe sistemin shendetesor.

Demotivimi e largimi i mjekeve vjen per shkak te korrupsionit galopant, varferise dhe pasigurise, te cilat jane arsyet e largimit te mjekeve kane vetem nje shkaktar, i cili eshte Edi Rama.

Eshte shume e thjeshte zgjidhja: Edi Rama mos vidh më miliarda euro me koncesione, tendera e blerje votash, rriti rrogat e mjekeve ne menyre dinjitoze dhe jo vetem qe mjeket nuk do te largohen më, por mjaft prej tyre do te kthehen serish ne atdhe.

Ndaj hiqni dore o te mjere nga ky turp i padegjuar, nga ky sharlatanizem shteteror dhe intelektual i nje Kryeministri tallava si ky qe i ka zene deren Shqiperise.