Një numër i lartë kërkesash ankimore nga opozita kanë mbërritur në Komisionin Qendror të Zgjedhjeve, sa i përket procesit zgjedhor të 14 majit.
Koalicioni “Bashkë Fitojmë” ka kërkuar rinumërim në të gjitha kutitë e votimit në Bashkinë Rrogozhinë, për kryetarin por edhe për këshillat bashkiake, ku pretendohet për manipulim të votave.
Jo vetëm kaq, por është bërë kërkesë ankimore edhe për Bashkinë e Kamzës. Ka pretendime se në këtë bashki ka pasur një numër të lartë parregullsish që kanë bërë që procesi i numërimit të votave të mos jetë bërë i rregullt.
Gjithashtu është kërkuar shikimi i kamerave të qendrave të votimit. Kërkesa për rinumërim të votave është edhe për Bashkinë e Kuçovës, dhe gjithashtu ka kërkua pavlefshmëri në disa qendra votimi për Bashkinë e Krujës, për Bashkinë Belsh është kërkuar rinumërimi i kutive të votimit.
Sakaq pritet të shihet se kush të jetë vendimmarrja e Komisionit Qendror të Zgjedhjeve.