Analisti Lutfi Dervishi ka ironizuar ministren e Infrastrukturës Belinda Balluku në lidhje me skandalin e ARRSH-së, e cila është në varësi të saj, për një fond prej 4,5 milionë euro shtesë për ndërtimin e lotit 3 në Unazë.
Dervishi shkruan se Unaza ka 28 vjet që është copëtuar në 7 lote. Ai shton se ndërrohet projekti dhe ribëhen punët por të vetmet që nuk ndryshojnë janë inspektimet dhe trafiku.
“E gjithë unaza është 28 km! Ka 28 vjet, është copetuar në 7 lote në të cilat punohet ditë e natë, ka prodhuar qindra inspektime/lajme dhe sigurisht dhjetëra milionë euro!Ndërrohet projekti, ribëhen punët dhe sigurisht shtohen fondet! Të vetmit që nuk ndryshojnë janë inspektimet dhe trafiku!”, shkruan Dervishi.
