Policia nuk ka dhënë leje për protestën paqësore të paralajmëruar nga Partia Demokratike më 6 Dhjetor.
Në një prononcim për Klan News, Sekretari i Përgjithshëm i PD-së, Flamur Noka është shprehur se protesta është një e drejtë e fituar në Dhjetor të 90-ës dhe askush nuk e ndal dot të drejtën për të protestuar.
Ai shprehet se protesta do të zhvillohet do apo nuk do regjimi.
Flamur Noka: Protesta është e drejtë demokratike e fituar që në dhjetor të ’90. Askush s’mund të ndalë të drejtën për të protestuar. Nuk i marrim leje askujt në Shqipëri për të protestuar. Në bazë të ligjit njoftojmë se protesta do të bëhet do apo nuk do regjimi.
